Gizarte-bizikidetza hobea lortu nahi dugu, eta horrenbestez, lan egiten dugu alderdi hauei buruzko informazioa izateko: zer hizkuntza erabiltzen dituzten; zein diren haien kultura-esparruak (zer ikuskera duten munduari eta giza harremanei buruz); eta zer erlijio-tradizio dituzten.

SJM-Ek kulturen eta erlijioen arteko topaguneen sorrera bultzatu nahi du. Jatorri geografiko desberdina duten baina eskualde berean bizi diren pertsonak elkarrengana hurbiltzea da asmoa.

Topaguneak beste pertsona batzuekiko interesa agertzeko lekuak dira; elkarren tradizioak ezagutzeko eta onartzeko lekuak. Ezagutzeak lagundu egiten du estereotipoak alde batera uzten eta aurreiritziak erausten.

– Alderatzeak lagundu egiten du “bestearen” esparruak nork bere hizkuntzara itzultzen;

– elementu baliokideak onartzen, alde adierazgarri eta aberasgarriak;

– kontraesana ekartzen duten alderdiak jasaten edo haiekin bizitzen ikasten;

– eta katolikoen (katolizismoa tradizio historikoki nagusia den aldetik) eta beste erlijio-tradizio batzuk dituzten pertsonen artean sor daitezkeen gatazkak eta arazoak prebenitzen.

Elkartzeak gizatasunez betetzen du ezagutza; sentimenduz eta maitasunez, hain zuzen ere. Eta hala, aitortza errespetuz betetzen da.

Topaguneek hainbat jarduera proposatzen dituzte: harrera-ekimenak, eskola-bisitak, hitzaldiak, tailerrak eta beste prestakuntza-jarduera batzuk, bisitak era askotako komunitateetara eta taldeetara, erlijioen arteko elkarrizketak, etab.