Eragina

Giza lekualdaketei dagokienez, eztabaida publikoan eragina izan nahi dugu SJM-Ekook. Eta horretarako, bidegabekeria-egoerak agerian jarri eta salatu egiten ditugu era askotako argitalpenen bidez; giza lekualdaketekin eta migratzaileen baldintzekin loturiko fenomenoak eta egoerak ikertzen eta aztertzen dituzten argitalpenen bidez, alegia.

Halaber, botere publikoekin lan egin nahi dugu, migratzaileen eskubideak eta duintasuna bermatuko dituzten beste aukera bideragarri batzuk martxan jartzeko, aldaketa sozial bat etor dadin komunitateko bizikidetzari eta pertsona horien gizarteratzeari dagokienez.

Migrazioei buruzko SJM-Eren eta sareen txostenak, jarrerak eta lanak oso lagungarriak dira horretarako.

SJMk maila globalean eta kontinentalean JRSrekin egiten du lan, eta Espainian, berriz, tokiko erakundeekin. Hori dela-eta, aipatutako gure lanek oso errealitate zabala erakusten dute, bai Europako eremu politiko eta sozialaren errealitatea, bai estatuko leku jakin batzuetako errealitatea, migrazio-mugimenduen azterketa ardatz nagusia izanik, betiere. Eztabaida publikoan eragiteko asmoz egiten ditugun ekintzak eta lanak gobernuei eta instituzioei zuzenduta daude, bai eta herritarrei eta gure antzeko lana egiten duten irabazi-asmorik gabeko erakundeei ere.

Politikan eta gizartean eragiteko, funtsezko gai hauei buruz utzi nahi dugu gure mezua:

Migrazio-politikak eta Europako Migrazio Agenda

Asilo-eskubidea eta nazioarteko babesa

CIEtan legeak errespetatzen direla bermatzea eta atxiloketen ordez beste aukera batzuk bultzatzea, zentro horiek itxi daitezen

Lagunduta ez dauden adingabeen eta pertsonen trafikoko biktimen eskubideak eta babesa bermatzea

Etxeko lanak egiten dituztenen eskubideak

Gizarteratze-politikak migratzaileentzat

Giza lekualdaketetako prozesuen eta demografiaren azterketa, migratzaileei dagokienez

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies