CIE 2019 ‘Hamar urte beste aldera begira’ txostenaren eranskina argitaratu dugu

CIE 2019 txostenaren eranskina argitaratu dugu, Barne Ministerioaren zifra ofizialekin; aurten hilabete batzuen atzerapenarekin datoz eta datu gutxiagorekin, hau da, ez dute Gardentasunaren Legea betetzen.

SJMk urteko txosten guztiak Gobernuak emandako zifrak kontrastatuz garatu izan dituen arren, 2019ko txostena argitaratu zenean zifrarik gehienak falta ziren, eta hori ezin da justifikatu COVID-19aren pandemian egon arren. Eranskinean adierazten den bezala “Informazio gabeziak galdera ugari sortzen du, gardentasun gabeziaren arrazoi subjektiboei buruz ez ezik, datu bakoitzaren atzean dauden errealitate objektiboengatik ere bai”.

CIE 2019 Txostena, “Hamar urte beste aldera begira”, argitalpen honi atxikita doa eta CIEetako egoerari buruzko azterketaren eta ikerketaren inguruko hamargarren argitalpena da. Urteroko lan honek zentro horien barruan gertatzen diren eskubide-urraketen zerrenda luzea aztertzen du, CIE Erregelamendua aztertzen du (etengabe urratzen da eta Erregelamenduan bertan jasotako eskubideak bermatzen ez dituen espetxe-eredua iraunarazten du) eta SJMko taldeek bisitetan ikusten dutenaren zifrak laburbiltzen ditu.

2019ko txosten honen eranskinean agertzen diren datuak hiru ataletan banatuta daude: barneratzearen berri ematen duen zifra ofizialen araberako zortzi puntuko zerrenda bat; barneratzeari buruzko zifrak; eta Atzerritarren fiskal ordezkarien CIEei buruzko ikuspegia, une honetan Espainian dauden zazpi CIEetan banatuta.