Eskubidedun Migratzaileen Sareak kanpaina bat hasi du berehalako itzulketak gerarazteko

Eskubidedun Migratzaileen Sareak sentsibilizazio-kanpaina bat hasi du berehalako itzulketen edo «beroan egindako itzulketen» aurka.

Duela urte batzuetatik hona, Sareak salaketa eta defentsa lana egiten du Mugan eskubideak urratzen baitira; era berean, masiboki itzultzen diren pertsonei Elizako beste erakunde batzuekin batera laguntzen die.

Giza Eskubideen Europako Auzitegiak gai horri buruzko epaia eman zuenean gure haserrea adierazi genuen, hain zuzen ere, migratzaileen eta errefuxiatuen babesak atzera egin zuela agerian utzi genuelako.

“Beroan” egiten diren itzulketak zer diren azaldu nahi dizugu.

Badakizu zer diren berehalako itzulketak?

Ceuta eta Melillako hesitik Espainiara sartzen diren atzerritarrak ez dira sartzen mugako postu batetik, eta Atzerritarren Legeak dio, kasu horietan, zehapen-espediente bat ireki behar dela, itzultzeko administrazio-prozedura batekin izapidetzen dena.

Ceutan eta Melillan bereziki aplikatzen dira BEREHALAKO ITZULKETEN prozedurak, “Beroko itzulketak” ere deituak, eta ez dituzte betetzen giza eskubideak babesteko bermeak. Zein dira betetzen ez diren berme horiek?

  • Pertsonak ez dira identifikatzen, eta, horregatik, ez dakigu adingabeak edo asilo-eskatzaileak diren.
  • Ez dute abokaturik, eta erabaki horren aurkako helegiterik ezin dute aurkeztu.
  • Ez dago itzultzailerik, beraz: Nola jakin dezakegu jatorrian duen egoera pertsonala eta zergatik iritsi den?
  • Pertsonak babesik gabe daude. Lehen, pertsona eta erakunde batzuek dokumentatzen zuten gertatutakoa. Orain, isun larria jartzen dute. EZIN DUGU ZUZENEAN JAKIN ZER GERTATZEN DEN.

Santiago Agreloren elkarrizketa.